Jilli kun wayita Adaamaa gahanitti miseensa caffee Oromiyaa addee Aaminaa Inkush, afa-yaa’ii mana marii Magaalaa Adaamaa addee Immabeet Jibbaa akkasumas Itti Gaafatamtuu waajjira dhimma dubartootaa fi daa’immanii Magaalaa Adaamaa adde Ra’iisaa Juneeydiiitiin simatamaniiru.
Hojmaata waajjira keessaa,giddugala tajaajila iddoo tokkoo Koolleejjii Fayyaa Hospitaala Adaamaa akkasumas hojiilee fayyadamummaa hawaas-diinagdee dubartootaa mirkaneessuuf raawwataman daawwachiisuun keessummootaaf ibsa kennineera jedhan itti gaafatamtuun waajjira dhimma dubartootaa fi daa’immanii Magaalaa Adaamaa addee Ra’iisaa Juneeydii.
Gama biraatiin hojii dubartoota aangessuu magaalattiin qabdu keessattuu aanota Odaa fi Barrechaa dubartootaan hoogganamiin bu’aalee dhufanirratti muuxannoon qoodamuu eeran.
Bulchiinsa Dirree Dawaatti hooggantoota seektarichaa sadarkaa biiroo akkasumas kilaastara baadiyaa afurii fi aanota magaalaa sagalirraa daawwannicharratti hirmaatan keessaa kanneen dubbifne hojiilee damichaan muuxannoo ta’an hedduu magaalaa Adaamaatti argineera jedhan.
Muuxannoo argame qindeessinee haala qabatama keenyaan hojiitti hiikuuf ni hojjanna jechuunis dubbatan.
Jamaal Kadiiritu Gabaase.
