Komishiinichi leenjii kan kenne qaamolee
Deeggarsaafi hordoffii dhimmoota naamusaa fi farra malaamaltummaa Godina shawaa Bahaa , Magaalaa Adaamaa fi Aanaa Adaamaatiif kenne.
haasawa baniinsaa kan taasisan
Komishiinarri Komisshiinii Naamusaafi Farra Maalmaltumma Naannoo Oromiyaa Obbo Abdallaa Ogatee akka jedhanitti Kaayyoon leenjichaa qajeelfamaafi dambii bu’uura taasifachuun rakkoo uumamuu malu fi hojmaata badaa dhabamsiisuufi Dhaloota namusa gaarii qabu horachuun itti fufsiisuu ta’uu himan.
Leenjichi mata duree lamaa gurguddoo kanneen akka dambiifi ittiin bulmaata hojmaata hojiitiin yakkoota raawatamuu malu ittisuufi,aadaaf duudhaa akkasumas safuu ummata Oromootiin hojmaata badaa dhabamsiisuun gahee hojichaaf qaban akka bahaniif ta’uu ,barreeffama leenjichaaf dhiyaateen ibsameera.
Keessattuu gochi malaamaltummaa raawwatamu tokko, diinagdee biyyattii quucarsuu,daangaa biyyattiis darbee biyyoota birootti babal’atuun gaaga’ama nageenyaafi lubbuus waan dhaqqabsiisuu dnda’uuf, gochi akkasii kun hubannoo wal irraa hin cinne kan barbaadu akka ta’eefi hojmaata hojichaan ittisuun seericha hojii irra oolchuu akka ta’e ibsameera.
Gama birootiin gochoota malaamaltummaa raawwatamuu malu ittisuuf aadaafi duudhaan ummatichaa safuun dabaalame, gocha badaa ittisuufi balaaleffachuu keessatti shoora guddaa qabaachuu ibsanii, gama kanaanis irratti akka hojjatamu bal’innaan ibsameera.
Hirmaattonni leenjicharratti hirmaatan kanneen yaada kennan leenjichaatti gammaduu himanii, gara fuulduraattis leenjichi itti fufiinsaa akka qabaatuu,qajeelfamaafi dambii hojichaan akka hojjatamuufi safuuf duudhaa ummatichaan hojichi akka dabaalamu gaafatan.
Itti dabaluun aadaa ummatichaa deebisuuf duudhaa sirni ummaticha qabu caalmatti lafa qabsiisuun dhimma ijoo hojichaaf galtee ta’uu qabu ta’uus kaasan.
Komisshiinii Naamusaafi Farra Maalmaltumma Naannoo Oromiyaatti Itti aantuun komishiiiraa Aadde Abbaynesh Tafarraa
Yaada hirmaattotaaf ibsa kennaniin manni hojichaa hojicha itti kenname milkeessuuf, ergamaafi mul’ata kennameef fudhatee naamusa sirrii ta’e diriirsuun cinatti , hundi qindoominnaan gahee isaa bahachuun naamusa daagaagsuu fi qabso naamuusa farra malaamaltummaa cimaa finiinsuu akka qaban dhaaman.
Komishiinarri Komisshiinii Naamusaafi Farra Maalmaltumma Naannoo Oromiyaa Obbo Abdallaa Ogatee Kallattii hojii itti aanuu kennaniin ogeessi kamiyyuu quuqamaafi haqaan Ummata isaa tajaajiluun jijjiirama biyyaa fiduuf hojjachuu akka qabu kallattii kaa’aniiru.
Gabaasni kan Madiinaa Jaarsooti
