Aanichatti gamoon waajjira bulchiinsaa abbaa darbii lamaa hirmaannaa uummataa qarshii Miliyoona 27’n ijaaramaa jira.
Bulchaa Aanaa caffee kan ta’an obbo Gosaa Tolaa akka aanaa keenyaatti waggoota 2 asitti hojiileen misoomaa baayyeen hirmaannaa uummataa fi deeggersa abbootii qabeenyaatiin ijaaramanii xumuramuun kan hojiif oolan ta’uu kaasanii keessattuu bara darbe galma sadarkaa isaa eeggate Miliyoona 17n ijaaramee hojiif banaa ta’eera jedhan.
Bara kanas uummata keenya of cinaa hiriirsuun qaama kam irraa deeggersa utuu hin gaafatiin hirmaannaa uummata Aanaa keenyaa qofaan gamoo abbaa darbii 2 ji’a 6 keessatti ijaarree xumuruuf karoorfannee hojitti seenee jirra jechuun, yeroo ammaa kanas ijaarsi isaa eegaluun guyyaa 70 harka dhibba keessaa 92 ga’ee jira jedhan.
Gamoon kunis waajjiraalee 32 kan of keessaa qabuu fi akkaataan hojii isaa ammayyaaa’aa kan ta’e, duudhaa fi safuu hawaasa keenyaa karaa eeggateen ijaaramaa kan jiruu fi haga ammattis qarshiin miliyoona 19 baasii kan itti ta’edha jechuun himan.
walumaa galatti guyyaa karoorfanne irraa eegallee turtii ji’a 3 qofa keessatti xummuramuun hojii kan eegalus ta’a jedhaniiru.
Gabaasni Kan Hawweeraa Fiqaaduuti
