Magaalaa Adaamaatti Waldaan Tola Ooltummaa Tsinaat Dubartootaa Dhibee HIV AIDS dhiiga isaanii keessaa  jiru waliin  Guyyaa Dubartootaa Adunyaa Kabaje.

**Waldaan Tola Ooltummaa  namoota dhukkuba ‘HIV EIDS’ wajjiin jiraatanii Tsinaat keessumattuu Dubartoota  irratti xiyeeffachuun gorsa ogummaa kennuu akkasumas barmaatilee miidhaa geessisan haala hambisuun danda’amurratti hojjata jetti hundeessituun waldichaa addee Gannat Bayechaa.  Kanuma bu’uura taasifachuun Magaalaa Adaamaatti dubartootni dhukkubicha wajjiin jiraatan  sochii hawaas diinagdeerratti dammaqinaan akka hirmaatan manaa manatti deemuunis dabalatee  gorsinaa jetti.  Waldaadhaan qusannaa cimsachaa  diinagdeen of dandeenyee socho’uuf hojjataa jirra jedhan dubartoota dhukkubicha wajjiin jiratan kessaa kanneen dubbifne.  Ka’uumsi gaariin jiraatus deeggarsi haala mijataa uumuu qaamolee mootummaarraa cimuu akka qabu gaafatan.  Ittigaafatamtuun Waajjira Fayyaa Bulchiinsa Magalaa Adamaa Siistar Samiiraa Muhaammad gorsa ogummaa kenninuu maddiitti inisheetivota adda addaa keessatti akka hirmaataniif bajata dhibeentaa lama damichaaf walitti qabamurraa dubartoota kannerniif oolchaa jirra jedhan.  Mana Marii Magalaa Adaamaatti Walitti Qabduun Koree Dhaabbii  Dhimma Dubartootaa fi Hawaasummaa Aaddee Tsiggee Tashoomaa  seektarootni dhimmi ilaallatu xiyyeeffannoo akka kennaniif sagantaalee keenyaan hordofaa jirra jedhan.  Jamaal Kadiir