Qindoomina Ministeera Galiiwwanii  Damee Adaamaa fi Mana Maree Daldalaa fi Waldaalee Seektaraa Adaamaan Ogeessota herregaaf leenjiin hubannoo labsii  Taaksii dabalata qabeenyaa haaraa 1341/2016 kennamaa jira.

Sirna jalqabsiisa leenjii irratti argamuun kan qalqabsiisan Ministeera galiiwwanii Damee Adaamaatti hojii gaggeessaa Obbo  Salamoon Darribee ergaa dabarsaniin kaayyoon leenjichaa Ogeessonni herregaa  hojmaata taa’een akka hojjatan, rakkoolee kaffaltii gibiraa fi taaksii sassaabuu keessatti mul’atan marii taasisuun walitti dhihaachuun hojjachuuf kan kaayyeffate  ta’uu dubbatan.

Pirezidaantiin Mana maree daldalaa fi Waldaalee Seektaraa Adaamaa Obbo Bayyaan Toleeraa
sagantichatti qooda fudhachuun yaada kennaniin gibiraa fi Taaksii qulqullina barbaadamuun raawwachuuf ogeessonni herregaa shoora olaanaa qabaachuu himan.

Kaffaltoota gibiraa fi mootummaa jidduutti riqicha ta’uun kan tajaajilan ogeessonni herreegaa hubannoo argatanitti fayyadamuun dabalata hubannoo hawaasa kaffalaa gibiraa fi taaksiif akka taasisan dhaaman.

Saganticharratti argamuun leenjii hubannoo ogeessotaa kan kennan Ministeera Galiiwwanii damee Adaamaatti qindeessaa damee barnootaa fi odeeffannoo Obbo Zalaalam Kaasaahuun

Hawaasni kaffalaa gibiraa  labsii  Taaksii dabalata qabeenyaa haaraa 1341/2016 irratti  hubannoo gahaa qabaachuu,beekuu fi ittis fayyadamuu qaba jedhan.  Itti dabaluun yaada kaasaniin, Taaksii dabalata qabeenyaa beeksisuu dhabuun hawaasa kaffalaa gibiraa adabbii qarshii 100,000 kan  adabsiisuu danda’u ta’uu dubbatan.

Xaahir Gammaduutu gabaase