Biiroon Misooma magaalaa fi manneenii Oromiyaa qajeelfamoota haaraa innisheetivii kilaastara qonnaa fi industurii godoorratti hojjattoota mana qophessaa bulchiinsa magaalaa Adaamaaf leenjii hubannoo uumuu kennaa jira.……………………………………..Leenjii kanarratti keessummoota biiroo misooma magaalaa fi manneenii Oromiyaarraa dhufan dabalatee hojjattoonni mana qopheessaa magaalichaa, kutaalee magaalaa fi aanaalee qooda fudhataniiru.

Qindeessaan innisheetivii qonna magaalota Oromiyaa Obbo Kabbadaa Asaffaa misoomni innisheetivii magaalota Oromiyaa bocamuun bara 2016 hojiitti akka galamu taasifamus, haalli bulchiinsaa fi hojirra oolmaa wal fakkaataa hin turre jedhan.

Yeroo ammaa kana qajeelfama haaraa tolchuun sirna bulchiinsaa cimaadhaan innisheetivoonni kanniin guutuu magaalota naannichaatti bifa walfakkaatuun hojiirra akka oolaniif yaadamee leenjiin hubannoo uumuu kun kennamaa jiraachuu himaniiru.

Leenjiin hubannoo uumuu kun guyyoota lamaaf kan turu yoo ta’u leenjichaan booda sochiin misooma innisheetivii magaalichaa qajeelfama haaraan masakamuun kan duraarraa daran bifa qindaa’aa fi adda ta’een hojiitti galama jedhamee eegama.
Firaa’ol Doddee.