Ejensiin Mirkaneessa Gahumsa Ogummaa Oromiyaa dameen Adaamaa leenjiistootaa fi leenjiifamtoota gulantaa 2ffaa hanga 4ffaatti  leenji’aa turaniif madaallii gahumsa ogummaa kenne.

Ejensii Mirkaneessa Gahumsa Ogummaa Oromiyaatti
Itti gaaftamtuun damee Adaamaa addee Maartaa Waldasamayaat Madaalliin gahumsa ogumma kenname kun
kanneen ogummaalee meekaniksii,ijaarsa manaa, ogummaa fayyaa,IT,akkaawuntiingii fi kanneen biroon  barachaa turaniif akkasumaas leenjiistoota,sochoftoota IMX,hojjattoota indaasturii fi leenjiifamtoota ogummaa adda addaatiin gulantaa 2ffaa hanaga 4ffaatiin leenji’aa turan namoota 250’f madaallii gahumsa ogummaa gochaa fi Beekumsaarratti madaallii kennameedhaa  jedhu.

Imaammanni leenjii waan jijjiirameef Leejiistootni imaammaata haaraan madaalamuun ofii gahoomani leenjiifamtoota madaaluuf ni dirqamu kan jedhan addee Maartaan namni kamuu waan leenji’e sana madaallii gahuumsa ogummaatiin mirkaneefachuu qaba jedhan.

Ejensii Mirkaneessa Gahumsa Ogummaa Oromiyaatti Supparvaayzara damee Adamaa obbo Amaanaa Sarbii namni kamuu waan leenji’een madaalamuun isaa gabaa addunyaa keesstti dorgomaa ta’ee sadarkaa manni hojiichaa barbaaduun gahumsa ofii mirkaneefachuu fi amanamummaa ofii qabu sana cimsachuuf madaalliin barbaachiisee jira jedhu.Kanafuu leenjistoota madaaluun leenjiifamtoota hojii isaaniin qulqullina qaban horachuuf gahee olaanaas qaba jedhu.

Leenjiifamtootni wanta dareetti barachaa ture madaallii gochaa fi beekumsaatiin of ilaalluun keenya hojii boru hojjannu keessaati ofiitti akka amanu nu taasisuu caalaa hojii mataa keenyaa uumannee hojjachuuf carraa guddaadha jedhan.Leenjiistootni dubbisnees madaalamuun keenya ofii gahoomne leenji’aa gahoome horachuu dandeenya jechuun yaada kennaan.

                Sisaay Isheetuu