Injifannoo Bitootessa 24 sababeeffachuun hiriirri deeggarsaa uummanni taasisu rakkoo nageenyaa tokko malee akka raawwatuuf qophiin xumuramuu magaalaa Adaamaatti qaamoleen nageenyaa kutaa magaalaa Dambalaa beeksisan.

Kutaa magaalichaatti caasaaleen nageenyaa sadarkaan jiran hiriira deeggarsaa ummanni taasisu irratti Lootee galtoonni fi kanneen nagaa uummataa hin feene rakkoo nageenyaa kamiiyyuu qaqqabsiisuu akka hin dandeenyeef qophiin cimaan taasifamuu dubbataniiru.

Jijjiiramnii fi ijaarsi sirnaa biyyichatti mul’ate akka salphaatti hin dhufne kan jedhan caasaaleen nageenyaa kunneen nagaa uummata keenyaa tiksaa jijjiirama dhufe kunuunsuun gahee qaama hundaa ta’uus himaniiru.

Itti gafatamaan waajjira milishaa kutaa magaalichaa Obbo Ashannaafii Baalchaa
Bitootessi 24 guyyaa Oromoon carraa biyya gaggeessuu argateen sirna hunda hammatee fi biyya hundaaf taatu itti ijaaraa jiru ta’uu ibsuun hiriirri deeggarsaa ummanni taasisu karaa nagaan akka gaggeeffamuuf caasaaleen nageenyaa kallattii hundaan nageenya hawaasaa tiksuu akka qaban ibsaniiru.

Hoji-raawwachiisaa olaanaan kutaa magaalaa Dambalaa Obbo Lammaa Baqqalaa Bitootessi 24 Ummata Oromoo fi Itiyoophiyaatiif guyyaa seena qabeessa ta’uu himuun hiriirri deeggarsaa ummanni taasisu karaa naga qabeessa ta’een akka gaggeeffamuuf
Caasaaleen nageenyaa ummata waliin ta’uun hojii nagaa kabachiisuu akka cimsan dhaamaniiru.
Firaa’ol Doddee