Magaalaa Adaamaa kutaa magaalaa Abbaa Gadaatti Kabaja Ayyaana faasikaa sababeeffachuun duulli qulqullina naannoo gaggeeffameera.
Duulli qulqullinaa kunis hooggansa fi hordoftoota amantaa Islaamaa aanicha keessa jiran kan hirmaachisedha.
itti gaafatamaa waajjira paartii badhaadhinaa Aanaa Dagaagaa obbo Tashoomaa Damee duulli qulqullinaa kun hordoftoota amantaa Islaamaa aanicha keessa jiran kan hirmaachisedha jedha.
Fula durattis akka aanichaatti bakkeewwan kosiin irratti gataman qulqulleessaa, hojii misooma Ashaaraa magariisaa babal’isuun cimee kan itti fufu ta’uus himaniiru.
Hojiin qulullina naannoo kun hawaasa biratti aadeffamee itti fufuu akka qabu kaasuun, hojichi miidhagina magaalaa dabaluun maddiitti dhibeewwan garaa garaa foolii balfaa kanaan dhufuu malan ofirraa ittisuufis ni gargaara kan jedhan ammoo itti gaafatamaa waajjira paartii kutaa magaalaa Abbaa Gadaa Obbo Abdoo Mahaamad.
Kanneen duula qulqullinaa kana irratti hirmaatan tokko tokkos Magaalaa keenya qulqulleessuun fayyummaa keenyaaf murteessaa ta’uun cinaatti hawwatummaa Magaalaa keenyaa kan dabalu waan ta’eef hojii qulqullinaa kana idileeffachuun cimsinee itti fufna jedhan.
Hawweeraa Fiqaaduu
Related Posts
Baankiin daldala Itoophiyaa distiriiktii Adaamaa waajjira dhimma hojjataaf hawaasummaa magaalichaa waliin ta’uun ayyaana Faasikaa sababeeffachuun qaamaa miidhamtoota harka qal’eeyyii 100 ta’aniif deeggarsa adda addaa taasise.………………………………………Baankichi aadaa fi duudhaa walgargaarsaa biyyattiin qabdu bu’uura godhachuun qaama miidhamtoota harka qal’eeyyii 100 ta’aniif deeggarsa maallaqaa,zayitaa fi daakuu qarshii kuma 360 olitti shallagamu taasisuu hojigaggeessaan distiriiktichaa Obbo Dirribaa Mokonnin ibsaniiru.
Bulchiinsi magaalaa Adaamaa Ayyana Sooma hiikaa sababeeffachuun jiraattota galii gadi aanaa qabanii fi rakkoolee gara garaaf saaxilamaniif maaddii qoode.
