Magaalaa Adaamaa kutaa magaalaa Bokkuu shananiitti Miseensonni mana maree bakka bu’oota uummataa fi Caffee, jiraattota aanaa Awwaash Malkaasaa waliin dhimmoota garagaraarratti mari’atan.

Mariin kun bakka hoggansi aanichaa fi jiraattonni aanichaa jiranitti bakka bu’oota uummataa waliin kan gaggeeffame yoo ta’u,dhimmoonni dimookiraasii fi bulchiinsa gaarii,haalli qabiinsa mirga lammiilee, akkaataa qabiinsa qabeenya mootummaa fi uummataa, dhimmoota misoomaa fi nageenyaa dabalatee kanneen biroo maricha keessatti xiyyeeffannoo argateera.

Jiraattonni aanichaa yaadaa fi gaafilee bakka bu’oota uummataaf kaasaniin, rakkoon bishaan dhugaatii aanichatti furmaata akka argatuu fi bishaan laga awwaash daagaa cabsee ooyiruu qonnaan bulaa jeeqaa jiru furmaata waaraa akka argatu gaafataniiru.

Sochiin misooma aanichaa keessatti hawaasa hirmaachisuu gaarii ta’uu kan himan jiraattonni aanichaa,lafa investmentiif qotee bulaarraa fuudhamuuf beenyaa gahaan kafalamuufii akka qabu gaafataniiru.

Hojiilee gaggaarii hojjatamaa jiran akka tumsan kan ibsan jiraattonni Bu’uuraalee misoomaa, Carraalee hojii, rakkoolee qaala’iinsa gabaa mudachaa jiraniif furmaanni akka taasifamu gaafataniiru.
Gaaffilee jiraattotaa sadarkaa magaalaa fi aanichaatti deebi’uu danda’aniif deebii kan kennan Bulchaan aanichaa Obbo Jamaal Mahammadii fi itti gaafatamaan mana qopheessaa kutaa magaalaa Bokkuu shananii obbo Tibbeessoo Galatoo rakoon bishaan dhugaatii guutummaatti hiikkachuuf fiixerra jiraachuu himuun gaaffin jiraattotaa kanneen biroo hiikuufis hojjatamaa jiraachuu ibsaniiru.
Bakka buutonni uummataas yaadota ka’an irratti ibsa kennuun gaaffilee jiraattotarraa ka’an qaama hoji raawachiiftuu sadarkaan jiran biraan kan ga’an ta’uu himaniiru.
Yoordaanos Mokonnontu gabaase.