Magaalaa Adaamaatti Hospitaali Waliigala Awaash Guyyaa ayyaana Kalee akka Addunyaatti March 13 kabajamu sababefachuun yaalii bilisaa Kalee taasise.

Hospitaali Waliigala Awaash Bulchiinsa Magaalaa Adaamaa kutaa magaalaa Abbaa Gadaa aanaa Buttaatti kan argamu yoo ta’u hospitaalota dhuunfaa yeroo dhihoo asitti banamanii tajaajila kennaa jiran keessaa tokko.

Hospitaalichi guyyaa Kalee akka Addunyaatti March 13 kabajamu ilaalchisuun bilisaan haala fayyummaa kalee namootaa beekuuf qorannoofi   yaalii dhukkuba kalee,dhiibaa dhiigaa,sukaaraa, kanneen biroo bilisaan hawaasaaf kennaa ooleera.

Hospitaala Walii galaa Awaashitti Hoji gaggeessaa fi  ispeeshaaliistii dhibee keessoo Dr Misgaanaa Abdataa akka addunyaatti guyyaa Kalee jedhamee “March 13” akka kabajamu ibsuun,jiraattoota magaalaa Adaamaa fi naannoo ishee 200-500 ta’aniif guyyaa tokkotti tajaajila yaalii kalee bilisaan ni kennina jennee hojjachaatti jirraa jedhu.

Hospitaalichi ispeeshaaliistootaa fi sub ispeeshaaliistoota 40 ol ta’aniin hundeefamee tajaajila yaalii hundaa bakka tokkootti kennaa akka jiru kan ibsaan Dr.Misagaanaan yaalamaan kamu dhufee tajaajila argachuu danda’aa jedhu.

Sub Ispeeshaaliistii yaalii kalee fi Ispeeshaaliistii  yaala dhibee keessoo Dr Me’aakeel Balaay dhiibaa dhiigaa,
sukaara,haala jireenyaa,ulfaatini gadi bu’uun dhibee kaleef sababa waan ta’aniif sirreeafamuu qabu jedhu.Kanaafuu,
guyyaa ayyaana Kalee akka addunyaatti Bitooteesa 4 ykn March 13 yoo kabajaa jiru,akka Hospitaala keenyaatti tajaajila altiraasawondii,yaalii fincaanii fi dhiigaa gochuun yaalii bilisaa Kalee kennaa jirraa jedhu.

Namonni yaalii kalee bilisaan argatan odeefannoo arganneen Hospitaala waliigala Awaash dhufne tajaajila kana argachuu keenyaan gammadine jira.Fayyummaan Kalee keenyaa beekuus dandeenyee jirraa jechuun yaada kennaan.

Sisaay Isheetuu.