Waajjirri Dhimma Dubartootaa fi Daa’immanii Magaalaa Adaamaa Ayyaana Dubartootaa ‘March’ 8 Kabajamu Sababeeffachuun Konfiraansii Kora Haqaa Geggeesse.

Konfiraansichi hoogansa magaalaa haga Aanaatti jiranii fi dubartoota magaalichaa kan hirmaachisedha.

Haaromsa Aadaa fi miidhaa koorniyaa irratti bu’uureffate ittisuun akkaataa danda’amu irratti barreeffamni gabaabaan dhiyaachuun mariin irratti gaggeeffameera.

Itti gaafatamtuu Waajjira Dhimma Dubartootaa fi Daa’immanii Magaalaa Adaamaa Aadde Rayisaa Juneydii akka Magaalaa Adaamaatti dubartoonni diinagdeen akka cimaniif xiyyeeffannaan hojjetamaa jiraachuu kaasuun hojii birmadummaa biyyaa kabachiisuun cinatti, nageenya naannoosaanii kabachiisuu keessattis hirmaannaa guddaa taasisaa jiru jedhan.

Jijjiiramni argame kun duubatti akka hin deebineef dubartoonni si’ayinaafi qondoominaan hojjechuun murteessaa ta’uu ibsaniiru.

Itti Gaafatamtuun Waajjira Kominikeeshinii Magaalaa Adaamaa Aadde Amiinaa Inkuush hoogansi olaanoo ga’umsa dubartootaa ilaaluudhaan hoggansa biyyattii keessaa harka 50′ Dubartoota gochuusaatiin bu’aan barbaadamuu argamaa jiraachuu ibsuun, kanaaf Imala badhaadhinaa milkeessuuf dubartoonni gumaachasaanii adda durummaan bahuu akka qaban dubbatan.

Barmaatileen miidhaa geessisaan haalaafi amala jijjiirachaa dubartootaa miidhaa waan jiraniif to’achuufi ittisuu irratti tumsi qaamolee hundaa akka barbaachisuus dhaamaniiru.

Dubartoonni konfiraansii kanarratti hirmaatanis, hojiilee hojjechaa jiran hanga jijjiiramni eegalame galmaan ga’utti boodatti kan hin jenne ta’uu himan.

Hawweeraa Fiqaaduutu gabaase