Walqixxummaan Dhabamuu fi Sarbamni Mirga Dimokraasii  Ka’uumsa Qabsoo Ta’uun Biyyattiitti Jijjiiramni Akka Dhufu Tolcheera Jedhan Itti Gaafatamaan Waajjira Paartii Badhaadhinaa Magaalaa Adaamaa obbo Ashannaafii Ajjamaa.

Obbo Ashannafiin Injifannoo Bitootessa 24n Bu’aalee Argaman Ilaachisuun ABS Wajjiin Turtii Taasisaniiru.
*
Seenaa Itoophiyaa keessatti gaafiin lafaa,eenyummaa fi dimokraasii kanneen bu’uuraa sirnootni darban deebisuu qaban akka ture kaasuudhaani obbo Ashannaafiin ibsa isaanii kan eegalan.

Kanneen biroorratti bifa irra dibaatiinis ta’u yaaliin keessummeessuu turus walqixxummaan dhabamuu fi eenyummaan dhiibamuun abjuun biyya waloon ijaaruu akka hin jiraanne tolchuu eeran.

Kunimmoo jechuun itti fufan obbo Ashannaafiin.

Kunimmoo diddaa cunqursaa qeerroo fi qarreen akkasumas  hooggansa sirnicha keessa turanii fi quuqama ummataa qabaniin eegalee, ummattoota biroos booji’e  dhalee ,bu’uura milkaa’inoota hundaa kan ta’e injifannoon Bitootessa 24 akka galmaa’u gumaachuu kaasan.

Injifannicha hordofee hooggansi  jijjiiramaa motora qabsoo tures amaanaa jijjiiramicha karaa sirriira masakuu itti kenname fudhachuun hojiitti akka gale yaadachiisaniiru.

Sirna Federaaliizimii ‘’Anatu Sii Beekaa”n guutame isa sirriin bakka buusuuf  Paartii mootummaa biyyattii hoogganu ADWUI keesatti bakka bu’ummaa sabootaa  tokko nyaachisuu fi kan biraammoo isa nyaatu kajeellachiisu sirreessuutti galame jedhan.

Bifa hunda hammatuu fi hirmaachisuunis Paartiin Badhaadhinaa akka hundeeffame ibsan obbo Ashannaafiin.

Yaadama mandhalee Ida’amuutiinis ‘Rifoormii’ taasisuun tokkummaan ummattootaa akka cimu ta’eera jedhan.

Wantoota gaarii turan itti fufsiisuun kanneen hanqina qaban sirreessuu ejjannoo jedhu qabachuun bu’aaleen hawaas-diinagdee akkasumas siyaasaa hedduun waggootan torban darbanitti galmaa’uu himan.

Eenyummaa Sabootaaf beekkamtii kennuun tokkummaan biyyaalessaa fi misoomni fulla’aan inisheetiivota burqisiisuun fayyadamummaa ummataa mirkaneessuun dabaalame dhufuu dubbatan.

Gama siyaasaatiinis maraammartoo waldhiibuu fi walsakaaluu keessa akka bahamu ta’eera kan jedhan obbo Ashannaafiin qormaatilee adeemsa hanga ammaan turanirraa barachaa yaadamicha gabbisaa imala itti fufnaa ibsan.

Galmoota wabii nyaataa mirkaneessuu, intarpirunarshippii babbaldhisuu,ogummaa fi kalaqa jajjabeessuu akkasumas kenna tajaajilaa dijitaalessuu akka magalaa Adaamaatti qabatameenis bu’aaleen argamuu himan obbo Ashannaafiin.

Kana baldhisuufis  kabaja guyyaa injifannoo Bitootessa 24 magaalattiitti sagantaalee adda addaan gaggeeffamuun kaka’uumsii fi galaan qophaa’ummaa dabalataa ni horatamaan eeggamaa kaasan.

Qabeenya qabnuu fi dandeettii raawwachuu nu bira jiru fayyadamuun hojilee keenya ariitii, qulqullinaa fi baayyinaan raawwachuun hundumtuu tarsiimoo itti masakamu ta’uu akka qabu dhaamaniiru.

Jamaal Kadiir