Komishiniin Naamusaa fi farra malaammaltummaa Oromiyaa  damee jiddu gala  bahaa, Komishinii inispeekshinii Naamusa Paartii Badhaadhinaa Magaaaa Adaamaa waliin qindoominaan hojjechuuf sanada walii galtee hojii  mallatteessan.

Komishinichi qabsoo farra malaammaltummaa keessatti ejjennoon paartii badhaadhinaaf gaheen caasaa ‘KIN’maali kan jedhu irratti leenjii hubannoo uumuu hoogansa magaalaa Adaamaa sadarkaan jiraniif kenneera.

Komishinii naamusaa fi farra malaammaltummaa Oromiyaatti itti gaafatamaan damee giddu gala bahaa Obbo Jireenyaa Taaddasaa hojiin farraa malaammaltummaa hojii qindoominaa fi hirmaannaa nama hudaa barbaadudha jedhan.

Murtii murtaa’uuf hojii hojjetamu keessatti iftoomnni barbaachisaa ta’uu fi hojjetaan mootummaa kamuu dantaa uumata irratti xiyyeeffachuun malaammaltummaa irratti qabsaa’uun hadheeffachuu qaba jechuunis himaniiruu.

Walii galteen mallattaa’ee kun miidhaa magaalaa keenya irrattti malaammaltunmaan fidu dursinee ittisuuf qorannoo walii galaa geggeessuuf kan nu gargaarudha kan jedhan immoo Itti gaafataamaa Komishinii inispeekshinii fi Naamusa Paartii Badhaadhinaa Magaalaa Adaamaa obbo Kabbadaa Irranaati.

Waltajjicha irratti argamuun kallattii hojii kan kennan itti gaafatamaan waajjira Paartii Badhaadhinaa Magaalaa Adaamaa Obbo Ashannaafii Ajjamaa Malaammaltummaa fi hojmmaanni badaan diina waloo keenyaa waan ta’eef irratti qabsaa’uu qabana jechuun himaniiru.

Rakkoon keessoo sirna kana diiguu malaammaltumaa ta’uu hubachuun kara hin malleen qabeenya horachuu irraa of qusachuun cinaatti tajaajilli mana hojii mootummaa keessatti kennamu firaaf mallaqaa irraa bilisa ta’uu akka qabus hubachiisan.

Sirna cima ijaaruun hoogansa sirana kana baatee deemuu taanee biyya ijaaramtee dhaloota dhaalchisuu qabna jechuunis dhaamaniiru.

Hawweeraa Fiqaaduu