13/7/2017Baankiin Abisiiniyaa Distiriikti Adaamaa kutaan dhala irraa bilisaa sooma Ramadaana bara kanaa sababeeffachuun  yatimootaaf deeggarsa midhaan nyaata taasise.

Deeggarsi taasifames harka qalleeyyii 70’f tokkoo tokkoo isaaniif  daakuu furnoo kiiloo 5 fi Zayitaa nyaataa liitira 3 yoo ta’u kunis walii galaan qarshii kuma 100 oltti kan tilmaamuu ta’uu baankii Abisiiniyaa diistiriikti Adaamaatti hoogganaan kutaa dhalarraa bilisaa Obbo Bashiir Hajjii himan.
Baankichi yeroo gara yerootti hawaasa harka qalleeyyii deeggaraa jiraachuus himan.

Qindeessaan hojii tola ooltummaa masjida Umar Obbo Usmaan Abdurahmaan hojiin tola ooltummaa hojii Rabbi jaallatu waan ta’eef harka qalleeyyiif deeggarsa taasisu qabna jedhanii akka amantichaattis yeroo soomaas ta’e yeroo kaan Aadaan wal gargaaru cimaa ta’uu himan.

Harka qalleeyyoonni deeggarsa kana argataniis qaamaa isaan deeggare kana galateeffachuun waan argatanitti gammaduu dubbatu.
Gabaasni kan Yordaanos Mokonnin.